Dhaba paneer Butermasala

ઢાબા પનીર બટરમસાલા

  

સામગ્રી :

1. પનીર 1 કપ
2. મોટી ડુંગળી 1 નંગ
3. આદું લસણની પેસ્ટ 1 ટેબલસ્પૂન
4. બદામ નો પાવડર 1/2 કપ (કાજુનો પણ ચાલે) 
5. ઘટ્ટ દહીં1/4 કપ
6. ટોમેટો પ્યુરી અથવા ક્રશ ટોમેટો 1 કપ થી વધારે
7. ધાણાજીરું પાવડર 2 ટેબલસ્પૂન 
8. હળદર 1 ટીસ્પૂન
9. ખાંડ 1 ટીસ્પૂન  
10. કસુરી મેથી 1 ટેબલસ્પૂન 
11. તેલ + બટર મિક્સ 3 ટેબલસ્પૂન
12. 2 ટેબલસ્પૂન લાલ મરચું પાવડર
13. ગરમ મસાલો 1 ટીસ્પૂન
14. મીઠું,  કોથમીર

રીત :  

1. કઢાઈમાં તેલ અને બટર ગરમ કરો.
2. ગરમ થાય એટલે તેમાં પનીરના ટુકડા તળી લો. 
3. સોનેરી રંગના થઇ જાય એટલે ટુકડા કઢાઈ ની બહાર કાઢી લો.  
4. હવે એજ કઢાઈમાં ઝીણી સમારેલી ડુંગળી, આદું લસણની પેસ્ટ નાંખો,  થોડું મીઠું નાંખી સાંતળો,  
5. સંતળાઈ જાય પછી તેને મિક્સર જાર માં લઇ દહીં, બદામનો પાવડર, ટોમેટો  પ્યુરી  ઉમેરી વાટી લો, (થોડું પાણી નાખી શકાય),
6. હવે એ જ કઢાઈમાં વાટેલી સામગ્રી લઇ તેમાં લાલ મરચું પાવડર,  હળદર, ધાણાજીરું પાવડર નાંખી હલાવો. 
7. ઢાંકીને ચઢવા દો. 
8. ચઢી જવા આવે એટલે ખાંડ, ગરમ મસાલો, કસુરીમેથી, અને પનીરના ટુકડા  ઉમેરી હલાવો.   
9. ઢાંકીને 1 મિનીટ જેટલું ચઢવા દો. 
10. છેલ્લે ઉપર ક્રીમ રેડી કોથમીર ભભરાવી સર્વ કરો.