Nawabi aalu

નવાબી આલું 

સામગ્રી:

1. નાના બટાકા  250 ગ્રામ (બે ભાગમાં કાપી લેવા )
2. તેલ 1 ટેબલસ્પૂન 
3. ઘી   1 1/2 ટેબલસ્પૂન 
4. સમારેલી ડુંગળી 1 નંગ  
5. આદુ લસણની પેસ્ટ 2 ટીસ્પૂન 
6. લાલ મરચું પાવડર 1 ટીસ્પૂન 
7. મીઠું 
8. ગરમ મસાલો 1 ટીસ્પૂન 
9. કાજુ અને ખસખસની દુધમાં બનાવેલી પેસ્ટ 2 ટેબલસ્પૂન 
10. પાણી 
11. ટોમેટો પ્યુરી 1/2 કપ 
12. ક્રીમ 1 1/2 ટેબલસ્પૂન 
13. તેલ તળવા માટે
14. ગાર્નીશિંગ માટે ડ્રાયફ્રુટ્સની કતરણ (ઓપ્શનલ)

રીત 

1. બટાટાને ફાસ્ટ ગેસ પર ગુલાબી થાય ત્યાં સુધી તળી લો.(ધીમા તાપે ન તળવા)
2. કુકરમાં તેલ અને ઘી લઇ તેમાં ડુંગળી ઉમેરી સાંતળી લો. 
3. ત્યારબાદ તેમાં આદુ લસણની પેસ્ટ ઉમેરી સાંતળી લો.
4. તેમાં લાલ મરચું પાવડર, મીઠું, ગરમ મસાલો, કાજુ અને ખસખસની પેસ્ટ, અને 2 ટેબલસ્પૂન પાણી ઉમેરી પાણી બળે ત્યાં સુધી કુક કરો. 
5. હવે તેમાં ટોમેટો પ્યુરી, તળેલા બટાટા અને થોડું પાણી (1/2 કપ) ઉમેરી ઢાંકણ ઢાંકી 1 વ્હીસલ વાગે ત્યાં સુધી થવા દો
6. ઢાંકણ ખોલી તેમાં ક્રીમ મિક્સ કરી સબ્જીને ડ્રાયફ્રુટ્સથી ગાર્નીશ કરી સર્વ કરો. 

                                         

લીલી દ્રાક્ષનું અથાણું

લીલી દ્રાક્ષનું અથાણું 

સામગ્રી: 

1. લીલી દ્રાક્ષ 100 ગ્રામ ધોઈ, કોરી કરીને 
2. ગરમ કરીને ઠંડુ કરેલું તેલ 2 ટીસ્પૂન 
3. લીંબુનો રસ 3 ટીસ્પૂન 
4. વરીયાળી 1 ટીસ્પૂન 
5. મીઠું 1 ટીસ્પૂન 
6. મેથીનો તૈયાર મસાલો 2 ટીસ્પૂન 

રીત:

1. એક બાઉલમાં તેલ અને લીંબુનો રસ લઇ તેમાં વરીયાળી, મીઠું અને મેથીનો મસાલો લઇ ચમચી વડે હલાવી મિક્સ કરો.
2. સહેજ ઘટ્ટ થઇ જશે પછી તેમાં લીલી દ્રાક્ષ ઉમેરી મિક્સ કરીને એમજ રહેવા દઈ બીજા દિવસે વાપરવું (તરત જ પણ ખાવાના ઉપયોગમાં લેવાય એવું હોય છે.) 

Lili Haldrnu Athanu

લીલી હળદરનું અથાણું 

સામગ્રી 

1. હળદર અને આંબા હળદર સમારીને 100  ગ્રામ (ચપટી મીઠું અને 1 ટીસ્પૂન લીંબુનો રસ ભેળવી રાખો)
2. ગરમ કરીને ઠંડુ કરેલું તેલ 2 ટીસ્પૂન 
3. લીંબુનો રસ 3 ટીસ્પૂન 
4. વરીયાળી 1 ટીસ્પૂન 
5. મીઠું 1 ટીસ્પૂન 
6. ક્રશ કરેલા રાઈના કુરિયા 2 ટીસ્પૂન 
7. તીખાં લીલાં મરચા સમારીને 3 નંગ 
8. મોળુ લીલું મરચું સમારીને 1 નંગ 

રીત :

1. એક બાઉલમાં તેલ લઇ તેમાં લીંબુનો રસ, આખી વરીયાળી, મીઠું અને રાઈના કુરિયા લઇ  બરાબર મિક્સ કરો. (ફીણી  લો.) 
2. તેમાં તીખા અને મોળા મરચાં, હળદર લઇ મિક્સ કરો. અને એક દિવસ માટે એમાં જ રહેવા દઈ બીજા દિવસે જારમાં ભરી લો. 

Methi Matar Malai

મેથી મટર  મલાઈ 

સામગ્રી:

પેસ્ટ માટે :

1. ડુંગળી 2 નંગ 
2. કાજુ 8 થી 10 નંગ 
3. લીલા મરચાં  3 નંગ 
4. આદુ નો ટુકડો  1 નંગ 
5. મોળો માવો છીણીને 2 ટેબલસ્પૂન 

સબ્જી માટે :

1. ઘી 2 ટેબલસ્પૂન 
2. છીણેલો મોળો માવો 2 ટેબલસ્પૂન 
3. દૂધ 1 1/2 કપ 
4. ક્રીમ અથવા મલાઈ 2 ટેબલસ્પૂન 
5. મેથીના પાન સમારીને  2 કપ 
6. સોડા ચપટી 
7. ખાંડ 2 ટીસ્પૂન  
8. મીઠું 
9. કસુરીમેથી 1 ટીસ્પૂન 
10. પાણી 
11. વટાણા 1 1/2 કપ 

રીત:

1. ઉકળતા પાણીમાં કાજુ, ડુંગળી, લીલા મરચાં અને આદુંનો ટુકડો ઉમેરીને 3 થી 4 મિનીટ ઉકળવા દઈ સોફ્ટ થઇ જાય પછી ઠંડુ થાય એટલે મિક્સર જારમાં લઇ મોળો માવો ઉમેરી વાટીને પેસ્ટ બનાવવી. આ રીતે વ્હાઈટ પેસ્ટ તૈયાર થઇ. 
2. મેથીના પાનને ઉકળતા પાણીમાં મીઠું અને ચપટી સોડા ઉમેરી 4 થી 5 મિનીટ ઉકાળી નીતારી દબાવીને પાણી કાઢી નાંખવું.
3. વટાણાને ઉકળતા પાણીમાં મીઠું નાંખી બાફી લેવા.
4. એક કઢાઈમાં ઘી લઇ તેમાં બનાવેલી પેસ્ટ ઉમેરી 2 થી 3 મિનીટ સાંતળવું.
5. હવે એમાં છીણેલો મોળો માવો 2 ટેબલસ્પૂન ઉમેરીને ફરીથી સાંતળો.
6. થોડું ડ્રાય થઇ જાય પછી દૂધ ઉમેરી હલાવી 2 થી 3 મિનીટ થવા દો.
7. હવે એમાં ઘરની મલાઈ અથવા ક્રીમ ઉમેરો. 
8. નીતારીને રાખેલા મેથીના પાન ઉમેરી હલાવો.
9. સારી રીતે હલાવી લીધા પછી એમાં ખાંડ, ક્સુરીમેથી (હાથથી મસળીને) અને મીઠું ઉમેરો.
10. જોઈતા પ્રમાણમાં પાણી ઉમેરવું અને હલાવવું,
11. બાફેલા વટાણા ઉમેરો અને હલાવો. 2 મિનીટ થવા દો  અને સર્વ કરો   

Bajari Vada

બાજરી વડાં 

સામગ્રી 

1. બાજરીનો લોટ પોણો કપ (3/4 કપ )
2. ઘઉંનો લોટ 1/4 કપ 
3. તલ 2 ટીસ્પૂન 
4. હળદર 1/4 ટીસ્પૂન 
5. લાલ મરચું પાવડર 1/2 ટીસ્પૂન 
6. આદું મરચાની પેસ્ટ 1 ટેબલસ્પૂન 
7. મીઠું 
8. દળેલી ખાંડ  2 ટેબલસ્પૂન 
9. દહીં 3 ટેબલસ્પૂન 
10. તેલ મોણ માટે 2 ટેબલસ્પૂન 

અન્ય સામગ્રી:

1. તેલ તળવા માટે 
2. સર્વ કરવા માટે ચા અને લીલી ચટણી

રીત: 

1. એક બાઉલમાં બાજરીનો લોટ, ઘઉંનો લોટ લઇ તેમાં તલ, હળદર, લાલ મરચું પાવડર, આદુમરચાંની પેસ્ટ, મીઠું, દળેલી ખાંડ, દહીં અને તેલ ઉમેરી મિક્સ કરી પુરીના લોટ જેવી કણક  તૈયાર કરો 
2. કણક ના ગોળા વળી થેપીને વડા તૈયાર કરો. 
3. વડાને ગરમ તેલમાં ગોલ્ડન થાય ત્યાં સુધી તળી લો. 
4. લીલી ચટણી અને ચા સાથે સર્વ કરો. 

Masala Vada

મસાલા વડાં 

સામગ્રી 

1. ચણાનો કકરો લોટ 1/2 કપ 
2. ઘઉંનો કકરો લોટ 1/2 કપ 
3. મોણ માટે તેલ 2 થી 3 ટેબલસ્પૂન 
4. હિંગ 1/4 ટીસ્પૂન 
5. મીઠું 
6. દહીં 2 થી 3 ટેબલસ્પૂન 
7. પાણી લોટ બાંધવા માટે 
8. તલ 1 1/2 ટીસ્પૂન 
9. હળદર ચપટી 
10. આદું મરચાં ની પેસ્ટ 1 1/2 ટેબલસ્પૂન 

અન્ય સામગ્રી:

1. તેલ તળવા માટે 
2. સર્વ કરવા માટે લસણની ચટણી  

રીત: 

1. એક બાઉલમાં ચણાનો કકરો લોટ, ઘઉંનો કકરો લોટ લઇ તેમાં તેલનું મોણ, હિંગ, સહેજ જ મીઠું અને દહીં ઉમેરી મિક્સ કરી લો. 
2. જરૂર પડેતો પાણી ઉમેરી કણક તૈયાર કરો.
3. કણક પુરીના લોટ જેવી થવી જોઈએ.  
4. કણકને બરાબર કેળવી લઇ ઢાંકણ ઢાંકી 4 થી 5 કલાક માટે આથો આવવા દો.
5. આથો આવ્યા બાદ તેમાં તલ, બાકીનું મીઠું, હળદર અને આદુમરચાંની પેસ્ટ લઇ બરાબર મિક્સ કરી લો. 
6. હવે પાણી વાળો હાથ કરી કણક ના ગોળા વાળી ગ્રીઝ કરેલી પ્લાસ્ટીક શીટ ની મદદથી (પ્લાસ્ટીકની વચ્ચે દબાવી )થેપી લઇ વડા તૈયાર કરો.
7. વડાને ગરમ તેલમાં ક્રિસ્પી થાય ત્યાં સુધી તળી લો. 
8. લસણની ચટણી  સાથે સર્વ કરો. 

Khasta Kachori

 ખસતા કચોરી 

સામગ્રી:

ખસતા કચોરીનો મસાલો બનાવવા માટે: 

1. સુકાધાણા 2 ટેબલસ્પૂન 
2. જીરું 1 ટીસ્પૂન 
3. તજ 1 થી 2  નંગ 
4. લવિંગ 3 થી 4 નંગ 
5. કલોંજી 1 ટીસ્પૂન 
6. વરીયાળી 1 ટેબલસ્પૂન 
7. તલ 1 ટેબલસ્પૂન 
8. મીઠોલીમડો 8 થી 10 નંગ 

મસાલો બનાવવા માટે : ઉપરની બધી સામગ્રી હલકી તેલમાં શેકીને વાટી  લેવી.  આ રીતે             ખસતા કચોરીનો મસાલો તૈયાર થશે.

સ્ટફિંગ બનાવવા માટે :

1. પાપડી ગાંઠિયા અથવા સાદા ગાંઠિયાનો ભૂકો 3 ટેબલસ્પૂન 
2. તળેલી મગની દાળનો ભૂકો 3 ટેબલસ્પૂન 
3. આમચૂર પાવડર 1/2 ટેબલસ્પૂન 
4. સંચળ પાવડર 1 ટીસ્પૂન 
5. લાલ મરચું પાવડર ટીસ્પૂન 
6. મીઠું 
7. ખસતા કચોરીનો મસાલો 2 ટીસ્પૂન 
8. તેલ 1 ટીસ્પૂન 

અન્ય સામગ્રી: 

1. મેંદા અને રવાની બાંધેલી કણક 1 કપ 
2. તેલ તળવા માટે 

એસેમ્બલ કરવા માટે:

    બટાટા નો માવો 

    લીલી ચટણી 

    ખજુર આમલીની ચટણી અને સેવ 

રીત; 

1. એક બાઉલમાં ગાંઠિયાનો ભૂકો, તળેલી મગની દાળનો ભૂકો, આમચૂર પાવડર, સંચળ, લાલ મરચું પાવડર, મીઠું અને ખસતા કચોરીનો મસાલો લઈને બરાબર મિક્સ કરો. છેલ્લે તેમાં તેલ મિક્સ કરીને સ્ટફિંગ તૈયાર કરો.
2. હવે મેંદો અને રવાની બાંધેલી કણકમાંથી નાની પૂરી વણી લો. 
3. પુરીમાં સ્ટફિંગ ભરી કિનારી પર પાણી લગાવી બંધ કરી દબાવીને ગુલ્લા જેવું બનાવી વણી લો. 
4. ક્ચોરીને ઓછા ગરમ તેલમાં તળીને ઠંડી થવા દઈ ફરીથી તળી લો જેથી કચોરી ક્રિસ્પી થશે. 
5. ઠંડી થઇ ગયા બાદ વચ્ચે ખાડો કરીને તેમાં બટાટાનો માવો, લીલી ચટણી, આમલીની ચટણી અને સેવ મૂકી સર્વ કરો. 

Jafrani Khaja

જાફરની ખાજા

સામગ્રી :

1. મેંદો 1 કપ 
2. ઈલાયચી પાવડર 1 ટીસ્પૂન 
3. કેસર પાવડર ચપટી 50 મિલી પાણીમાં ઓગળીને 
4. મીઠું ચપટી જ 
5. પાણી 
6. તેલ 2 ટેબલસ્પૂન  

અન્ય સામગ્રી: 

1. તેલ તળવા માટે 
2. ચાસણી (200 ગ્રામ ખાંડ માં ખાંડ ડુબે એટલું જ પાણી લઇ જાડી ચાસણી તૈયાર કરવી)

રીત:

1. એક બાઉલમાં મેંદો, ઈલાયચી પાવડર, મીઠું, તેલ  ઉમેરી મિક્સ કરી પાણીમાં ઓગળેલો કેસર પાવડર ઉમેરી મિક્સ કરી લો. 
2. ત્યારબાદ તેમાં સાદું પાણી ઉમેરી કણક  તૈયાર કરો. અને 15 થી 20 મિનીટ માટે રેસ્ટ આપો. 
3. રેસ્ટ આપ્યા બાદ તેના મોટા લુઆ કરી રોટલી વણી લો. ( મોણ સરખું લીધું હોવાથી અટામણ ની જરૂર નહી રહે.)
4. તેની ઉપર મેંદો ભભરાવી બીજી રોટલી મુકો. આ રીતે બે થી ત્રણ લેયર કરી રોલ વાળીને કિનારી પર પાણી લગાવી સીલ કરીને પછી કાપી લો 
5. કાપેલા પીસને વણી લઇ ખાજા તૈયાર કરો. 
6. ખાજાને ગરમ તેલમાં તળી લો.   
7. તળાઈ ગયા બાદ ઉપરથી જાડી ચાસણી પોર કરી ખાજાને  ઠંડા થવા દો.અને સર્વ કરો.

Butter Bhakharvadi

બટર  ભાખરવડી 

સામગ્રી: 

સ્ટફિંગ બનાવવા માટે :

1. તેલ 1 ટીસ્પૂન 
2. બટર  1 ટેબલસ્પૂન 
3. હિંગ 1/2 ટીસ્પૂન  
4. હલકા શેકીને અધકચરા વાટેલા ધાણા, વરીયાળી અને તલ 1 ટેબલસ્પૂન 
5. ચણાનો લોટ 30 થી 40 ગ્રામ 
6. મીઠું 
7. લસણની પેસ્ટ 1 થી 1 1/2 ટીસ્પૂન 
8. આદુની પેસ્ટ 1 ટીસ્પૂન 
9. લાલ મેચું 1 થી 1 1/2 ટીસ્પૂન 
10. આમચૂર પાવડર 1 થી 1 1/2 ટીસ્પૂન 
11. દળેલી ખાંડ 2 ટેબલસ્પૂન 
12. તજ લવિંગનો પાવડર 1/2 ટીસ્પૂન 

અન્ય સામગ્રી :

1. મેંદામાં બટર નું મોણ નાંખી બાંધેલી કણક 
2. દૂધ અને પાણી બ્રશિંગ માટે 
3. 
   

રીત:

1. એક કઢાઈમાં 1 ટીસ્પૂન તેલ અને 1 ટેબલસ્પૂન બટર લઇ થોડું મેલ્ટ થાય એટલે તેમાં થોડી હિંગ, (ધાણા, વરીયાળી અને તલ  હલકા શેકી, વાટીને) બનાવેલો પાવડર 1 ટેબલસ્પૂન, ચણાનો લોટ લઇ હલકું શેકી લો. 
2. ત્યારબાદ તેમાં મીઠું, લસણની પેસ્ટ, આદુની પેસ્ટ, લાલ મરચું પાવડર, આમ્ચુર પાવડર અને દળેલી ખાંડ ઉમેરી મિક્સ કરી શેકી લો. 
3. આ રીતે સ્ટફિંગ તૈયાર કરીને બાઉલમાં કાઢી લો. 
4. હવે તેમાં તજ લવિંગનો પાવડર ઉમેરી મિક્સ કરીલો.
5. મેંદાની બાંધેલી કણકમાંથી લુઆ કરી મોટો પાતળો રોટલો બનાવી તેની ઉપર પાણી લગાવી અડધા ભાગમાં સ્ટફિંગ પાથરી દો.
6. બાકીનો અડધો ભાગ સ્ટફિંગ પર વાળીને બંધ કરો. 
7. ઉપર વેલણ ફેરવી અને કાપી લો. 
8. ભાખરવડીને  ગ્રીઝ કરેલી ઓવન ટ્રેમાં લઇ ઉપર દુધથી બ્રશિંગ કરી પ્રી હીટ કરેલા ઓવનમાં 5 મિનીટ માટે 180 ડીગ્રી પર અને ત્યારબાદ 150 ડીગ્રી પર 5 થી 7 મિનીટ માટે બેક કરવા મુકો.
9. બેક થયા બાદ થોડી વાર ખુલ્લામાં રહેવા દઈ સર્વ કરો. 

Mix Dal Dhokla

મિક્સ દાળ  ઢોકળાં 

સામગ્રી:

1. ચોખા 1/2 કપ 
2. ચણાની દાળ  2 ટેબલસ્પૂન 
3. અડદની દાળ  2 ટેબલસ્પૂન 
4. મોગરની દાળ  2 ટેબલસ્પૂન 
5. તુવરની દાળ  2 ટેબલસ્પૂન 
6. મસૂરની દાળ  1 ટેબલસ્પૂન 
7. દહીં 1 ટીસ્પૂન 
8. મીઠું 
9. આદુંમરચાં ની પેસ્ટ 1 ટેબલસ્પૂન 
10. બાફેલી મકાઇ 2 ટેબલસ્પૂન 
11. ઝીણા સમારેલાં  કેપ્સીકમ 1 ટેબલસ્પૂન 
12. ઝીણા સમારેલાં  ગાજર 2 ટેબલસ્પૂન 
13. કોથમીર 1 ટેબલસ્પૂન 
14. છીણેલી દુધી 1/3 કપ 
15. તેલ 2 ટીસ્પૂન 
16. ખાંડ  1/2 ટીસ્પૂન 
17. હળદર 1/4 ટીસ્પૂન 
18. ફ્રુટસોલ્ટ ચપટી 
19. ઉપર લગાવવા માટે તેલ જરૂર મુજબ 
20. ચીલી ફ્લેક્સ ચપટી 

સર્વિંગ માટે 

1. કેચપ અને લીલી ચટણી  

રીત: 

1. બધી દાળ ને મિક્સ કરીને સાથે જ પાણીમાં પલાળી દેવી. ચોખાને અલગથી પલાળવા.
2. બન્નેને 7 થી 8 કલાક માટે પલળવા દઈને અલગ જ વાટી લઈને મિક્સ કરીને 1 ચમચી જેટલું દહીં ઉમેરી આથો લાવવા માટે રાખી મુકવું. 
3. આ રીતે આથો આવી જાય પછી તેમાં મીઠું, આદુંમરચાં ની પેસ્ટ, બાફેલી મકાઇના દાણા, ઝીણા સમારેલાં કેપ્સીકમ, ઝીણા સમારેલાં ગાજર, કોથમીર, છીણેલી દુધી, તેલ 2 ટીસ્પૂન, ખાંડ, હળદર  ઉમેરી બધું મિક્સ કરો.  
4. છેલ્લે તેમાં 1/2 ટીસ્પૂન ફ્રુટ સોલ્ટ ઉમેરી ઝડપથી હલાવીને ગ્રીઝ કરેલી થાળીમાં લઈને ઉપરથી ચીલી ફ્લેક્સ ભભરાવી અગાઉથી ગરમ થવા મુકેલા ઢોકળાના કુકરમાં 8 થી 10 મિનીટ માટે બફાવા મુકો. (ફ્રુટ સોલ્ટ ઉમેરવો હોય ત્યારે દરેક થાળી મુકતી વખતે દર વખતે થાળીના ભાગનું ખીરું બીજા બાઉલમાં લઈને તેમાં ખીરા જેટલો ફ્રુટ સોલ્ટ ઉમેરવો તો રીઝલ્ટ સારું આવશે.)
5. થઇ ગયા બાદ ઉપરથી તેલ રેડી ફેલાવી કાપીને કેચપ અને લીલી ચટણી સાથે સર્વ કરો. 

Ghaari

     ઘારી

 

  

સામગ્રી: 

1. શેકેલો મોળો માવો 250 ગ્રામ 
2. ઘીમાં શેકેલો ચણાનો લોટ 2 ટેબલસ્પૂન 
3. કેસર અને બુરું ખાંડ નું મિશ્રણ 1 ટીસ્પૂન (કેસર અને બુરું ખાંડને સાથે જ મિક્સરમાં વાટી  લેવાં)
4. ઈલાયચી પાવડર 1/2 ટીસ્પૂન 
5. બુરું ખાંડ 100 ગ્રામ 
6. બદામનો ભૂકો 50 ગ્રામ 
7. પિસ્તાની કતરણ 2 ટેબલસ્પૂન 

અન્ય સામગ્રી: 

1. ઘી અને દુધથી બાંધેલી મેંદાની કણક 1 કપ 
2. ઘી તળવા માટે અને કોટિંગ માટે 

ગાર્નીશિંગ માટે :

1. બદામ અને પિસ્તાની કતરણ 

સર્વિંગ માટે : 

1. ચવાણું 

રીત:

1. એક બાઉલમાં શેકેલો મોળો માવો(હુંફાળો લેવો), શેકેલો ચણાનો લોટ, કેસર+બુરુંખાંડનું મિશ્રણ, અને ઈલાયચી પાવડર ઉમેરી બરાબર મિક્સ કરીલો,
2. ઠંડુ થઇ જાય પછી તમા બુરું ખાંડ, બદામનો ભૂકો લઇ હાથેથી બરાબર મસળી લો. (ખુબ મસળવું જેથી બોલ બનાવ્યા પછી તોડતાં ભૂકો ના થઇ જાય)
3. હવે તેમા પિસ્તાની કતરણ ઉમેરી ગોળા વાળી લો. 
4. હવે મેંદાની બાંધેલી કણકને કેળવી લઇ લુઆ કરી અટામણ લઇ નાની પાતળી પૂરી વણો.
5. હવે પુરીમાં બનાવેલો એક ગોળો મૂકી નીચેની બાજુએથી કવર કરી વધારા નો ભાગ દુર કરી વચ્ચે ખાડો કરીને ઘારી તૈયાર કરો.
6. ઘારીને ગરમ ઘીમાં તળી લો. (તળવા માટે ઘારીને સીધી જ ઘીમાં ન નાંખવી. પરંતુ ઝારામાં ઘારી મૂકી તેલની કઢાઈ  પર રાખી ઉપર ગરમ ઘી બીજા ચમચા વડે રેડીને રેડીને માત્ર હલકી જ તળવી.) 
7. આ રીતે તળાઈ ગયા બાદ એક બાઉલમાં જામ ખંભાળિયાનું થીજી જાય એવું ઘી લઇ  હાથ વડે ફીણી હલકું કરીને તેમાં ઘારી ડીપ કરીને ઉપરથી બદામ પિસ્તાની કતરણ ચોટાડી ફ્રીજમાં થોડી વાર ઠંડી કરી સર્વ કરવી.

Stuff Moglai Paratha

સ્ટફ મોગલાઈ પરાઠા 

સામગ્રી ;

કણક બનાવવા માટે :

1. ઘઉંનો લોટ 1/2 કપ 
2. મેંદો 1/2  કપ 
3. રવો 2 ટીસ્પૂન 
4. દળેલી ખાંડ 1 ટીસ્પૂન 
5. મીઠું 
6. બેકિંગ પાવડર 1/4 ટીસ્પૂન 
7. તેલ 2 ટીસ્પૂન 
8. હુંફાળું પાણી લોટ બાંધવા માટે 

સ્ટફિંગ બનાવવા માટે :

1. બાફીને છીણેલા બટાટા 2 નંગ 
2. ઝીણી સમારેલી ડુંગળી 2 ટેબલસ્પૂન 
3. બારીક સમારેલા ટામેટા 1/2 નંગ 
4. ક્રશ કરેલું આદું મરચાં અને લસણ 1 ટીસ્પૂન 
5. બાફીને કચરેલા વટાણા 1/4 કપ 
6. મીઠું 
7. ગરમ મસાલો 1/4 ટીસ્પૂન 
8. ઈલાયચી પાવડર ચપટી 

અન્ય સામગ્રી: 

1. તેલ શેકવા માટે 
2. સર્વ કરવા માટે રાયતું 

રીત :

1. એક બાઉલમાં ઘઉંનો લોટ, મેંદો,રવો, દળેલી ખાંડ, મીઠું, બેકિંગ પાવડર, તેલ અને હુંફાળું પાણી ઉમેરી કણક  તૈયાર કરો. 
2. કણકને  10 મિનીટ માટે રેસ્ટ આપો 

સ્ટફિંગ બનાવવા માટે :

1. એક બાઉલમાં બાફીને છીણેલા બટાટા, ડુંગળી, ટામેટા, આદું મરચાં લસણની પેસ્ટ, કચરેલા વટાણા, મીઠું, ગરમ મસાલો અને ઈલાયચી પાવડર ઉમેરી મિક્સ કરી સ્ટફિંગ તૈયાર કરો,
2. હવે કણકને કેળવી લઇ લુઆ કરી અટામણ લઇ રોટલી વણી લો. 
3. રોટલીને વચ્ચેથી કાપી સ્ટફિંગ મૂકીને બંધ કરી અટામણ લઇ વણી લો. 
4. પરાઠાને તવીમાં લઇ બંને બાજુ આછા શેકીને પછી તેલ વડે શેકીને ગુલાબી રંગના થાય એવા શેકી લો. 
5. રાયતા સાથે સર્વ કરો. 

Sitafal Rabdi

સીતાફળ રબડી 

સામગ્રી :

1. સીતાફળની પેશીઓ 1 કપ 
2.  દૂધ 500 મિલી 
3. કન્ડેન્સ્ડ મિલ્ક 1/2 કપ 
4. ખાંડ  1 1/2 ટીસ્પૂન 
5. મોળો માવો 50 ગ્રામ 
6. ઈલાયચી 1/4 ટીસ્પૂન 
7. કેસર ચપટી 

ગાર્નીશિંગ માટે :

બદામ, પીસ્તા, કેસર 

રીત :

1. એક પેનમાં દૂધ અને કન્ડેન્સ્ડ મિલ્ક લઇ ઉકળવા મુકો.
2. ઉકળવા લાગે ત્યારે તેમાં ખાંડ અને મોળો માવો ઉમેરી મિશ્રણ ઘટ્ટ થાય ત્યાં સુધી ઉકાળો.(વચ્ચે વચ્ચે સતત હલાવતા રહેવું).
3. હવે તેમાં ઈલાયચી, કેસર અને  સીતાફળની પેશીઓ ઉમેરી મિક્સ કરી લો. 
4. રબડીને સર્વિંગ બાઉલમાં લઇ બદામ,પીસ્તા અને કેસરથી ગાર્નીશ કરી સર્વ કરો. 

Stuff baby Potato

ભરેલાં  નાનાં  બટાટા 

સામગ્રી :

સ્ટફિંગ બનાવવા માટે :

1. તેલ 1 ટીસ્પૂન 
2. જીરું 1/2 ટીસ્પૂન 
3. સૂકાં  લાલ મરચાં 2 નંગ 
4. તજ 1 ટુકડો 
5. લીલું નાળીયેર સમારીને 1 ટેબલસ્પૂન 
6. સમારેલી ડુંગળી 1 નંગ 
7. આદું લસણની પેસ્ટ 1 ટીસ્પૂન 
8. સમારેલાં  ટામેટાં 1 થી 2 નંગ 
9. વરીયાળી 1 ટીસ્પૂન 
10. લવિંગ 3 નંગ 
11. લીલું નાળીયેર છીણેલું  3 ટેબલસ્પૂન 
12. મીઠું 
13. કોથમીર સમારેલી 

બટાટા સાંતળવા માટે : 

1. પાર બોઈલ કરેલા બેબી પોટેટોઝ  8 થી 10 નંગ જેને વચ્ચેથી સ્કૂપ કરી લેવાં 
2. તેલ 2 ટેબલસ્પૂન 
3. જીરું 1/2 ટીસ્પૂન 

ગ્રેવી બનાવવા માટે : 

1. બનાવેલી પેસ્ટ 2 થી 3 ટેબલસ્પૂન 
2. મીઠું 
3. લાલ મરચું પાવડર 1 ટીસ્પૂન 
4. પાણી 

રીત :
ગ્રેવી અને સ્ટફિંગનું મિશ્રણ બનાવવા માટે 

1. એક કઢાઈ  કે પેનમાં તેલ લઇ તેમાં જીરું , લાલ આખું મરચું, તજ, લવિંગ, લીલું નાળીયેર 1 ટેબલસ્પૂન , સમારેલી ડુંગળી, આદું લસણની પેસ્ટ, સમારેલું 1 ટામેટુ અને વરીયાળી લઇ સાંતળી લો. અને ઠંડુ થવા દો. 
2. હવે આ મિશ્રણને મિક્સર જારમાં લઇ ક્રશ કરી પેસ્ટ તૈયાર કરો. 
3. તેમાંથી થોડી (3 ચમચી) જેટલી પેસ્ટ સ્ટફિંગ માટે અલગ કરીને બીજા બાઉલમાં કાઢીલો.
4. બાકીની પેસ્ટમાં બાકીના સમારેલાં ટામેટાં ઉમેરી ફરીથી વાટી લો, આ રીતે ગ્રેવી માટેની પેસ્ટ તૈયાર થઇ. 
5. હવે એક પેનમાં તેલ અને જીરું લઇ તેમાં બેબી પોટેટોઝ ને સાંતળી લો.અને ઠંડા થવા દો. અને બાઉલમાં સ્ટફિંગ માટે અલગ કરેલ પેસ્ટમાં લીલા નાળીયેરનું છીણ 3 ટેબલસ્પૂન, મીઠું અને કોથમીર મિક્સ કરી બટાટામાં ભરી લો. 
6. હવે એ જ પેનમાં બનાવેલી પેસ્ટ લઇ તેમાં મીઠું અને લાલ મરચું પાવડર ઉમેરીને ગ્રેવીને કુક થવા દો.
7. ભરેલાં બટાટાં ગ્રેવી વાળા પેનમાં ઉમેરી થોડું પાણી ઉમેરી હલાવી 5 મિનીટ માટે કુક કરો. 
8. કુક થઇ જાય પછી સર્વ કરો. રોટી, નાન, પરાઠા સાથે સારાં લાગે છે. 

Paneer bengan (stuff bengan)

પનીર બેંગન,  (ભરેલાં રવૈયાં, સ્ટફ બેંગન )

સામગ્રી :    

સ્ટફિંગ બનાવવા માટે :

1. ધાણાજીરું 2 ટેબલ્સ્પૂન 
2. ચણાનો લોટ 1 ટીસ્પૂન 
3. હળદર 1/2 ટીસ્પૂન 
4. લાલ મરચું પાવડર 1 ટીસ્પૂન 
5. ગરમ મસાલો 1/4 ટીસ્પૂન 
6. વાટેલું લસણ 1/2 ટીસ્પૂન 
7. સમારેલી કોથમીર 1 1/2 ટેબલસ્પૂન 
8. છીણેલું પનીર 2 ટેબલસ્પૂન 
9. તેલ 1 ટીસ્પૂન 
10. મીઠું 
11. ખાંડ 1/2 ટીસ્પૂન 

શાક બનાવવા માટે: 

1. કાપા પડેલા નાનાં રવૈયાં 7 થી 8 નંગ 
2. તેલ 2 ટેબલસ્પૂન 
3. રાઈ 1/4 ટીસ્પૂન 
4. જીરું 1/4 ટીસ્પૂન 
5. હિંગ ચપટી 
6. વાટેલું લસણ 2 કળી  
7. પનીર 2 ટેબલસ્પૂન 
8. ટોમેટો પ્યુરી 3 ટેબલસ્પૂન 

સર્વ કરવા માટે: 

1. થેપલાં કે રોટલા 

રીત :

સ્ટફિંગ બનાવવા માટે : 

1. એક બાઉલમાં ધાણાજીરું, ચણાનો લોટ, હળદર, લાલ મરચું, ગરમ મસાલો, લસણ, કોથમીર, પનીર, તેલ, મીઠું અને ખાંડ ઉમેરી મિક્સ કરી સ્ટફિંગ તૈયાર કરો.  
2. આ બનાવેલા સ્ટફિંગને રીંગણમાં સ્ટફ કરી લો. 

શાક  બનાવવા માટે: 

1. એક કઢાઈ  કે પેનમાં તેલ લઇ તેમાં રાઈ, જીરુ, હિંગ, લસણ અને સ્ટફ કરેલા રીંગણ લઇ સાંતળી લો.
2. તેની ઉપર થાળી ઢાંકી થાકીમાં પાણી ભરી રીંગણને ચઢવા દો.
3. થોડી થોડી વારે હલાવતા રહી જોતા રહેવું. (જરૂર લાગે તો થાળીમાંનું ગરમ પાણી થોડું થોડું ઉમેરી શકાય.)
4. હવે તેમાં બાકીનો વધેલો સ્ટફિંગનો મસાલો, પનીર છીણીને, ટોમેટો પ્યુરી ઉમેરી ઢાંકણ ઢાંકી કુક કરી લો.
5. થઇ ગયા બાદ થેપલા કે રોટલા સાથે સર્વ કરો. 

Stuff Parval

ભરેલાં  પરવળનું શાક 

સામગ્રી:       

સ્ટફિંગ બનાવવા માટે:

1. શેકેલી શીંગનો ભૂકો 3 ટેબલસ્પૂન 
2. ધાણાજીરું 3 ટેબલસ્પૂન 
3. હળદર 1/2 ટીસ્પૂન 
4. મીઠું 
5. લાલ મરચું પાવડર 1 ટીસ્પૂન 
6. ખાંડ 1 ટીસ્પૂન 
7. હિંગ ચપટી 
8. સમારેલી કોથમીર 1 ટેબલસ્પૂન 
9. તેલ 1 ટેબલસ્પૂન 

શાક બનાવવા માટે :

1. છાલ કાઢીને કાપા પાડેલાં પરવળ 150 ગ્રામ 
2. તેલ 3 ટેબલસ્પૂન 
3. જીરું 1/2 ટીસ્પૂન 
4. રાઈ 1/2 ટીસ્પૂન 
5. હિંગ ચપટી 
6. મોટી ચિપ્સમાં કાપેલા બટાટા 2 નંગ 
7. પાણી 
8. ચણાનો લોટ 1 ટેબલસ્પૂન 

ગાર્નીશિંગ માટે: 

1. કોથમીર  

રીત :

સ્ટફિંગ બનાવવા માટે 

1. એક બાઉલમાં શેકેલી શીંગનો ભૂકો, ધાણાજીરું, હળદર, મીઠું, લાલ મરચું પાવડર, ખાંડ, હિંગ, કોથમીર અને તેલ ઉમેરી સ્ટફિંગ તૈયાર કરો. 
2. આ બનાવેલું સ્ટફિંગ કાપા પાડેલાં પરવળમાં ભરીલો.
3. એક પેન કે કઢાઈ માં તેલ લઇ તેમાં જીરું, રાઈ, અને હિંગ ઉમેરી બટાટાની  ચિપ્સ ઉમેરી થાળી ઢાંકી થાળીમાં થોડું પાણી ભરી ચઢવા દો.
4. 3 થી 4 મિનીટ પછી કઢાઈ માં ભરેલા પરવળ ઉમેરી મિક્સ કરી પાણી ભરેલી થાળી ઢાંકી પરવળ અને બટાટાને ચઢવા દો.
5. પરવળ અને બટાટા ચઢી ગયા બાદ બાકીનો વધેલો મસાલો (સ્ટફિંગ), ચણાનો લોટ અને થાળીમાંનું ગરમ પાણી ઉમેરી, હલાવી ઢાંકીને થોડું ચઢવા દો.
6. ચઢી જાય પછી કોથમીરથી ગાર્નીશ કરી સર્વ કરો. 

Bharela Marcha ( stuff chilly)

ભરેલાં  મરચાં 

  

સામગ્રી:   

સ્ટફિંગ બનાવવા માટે 

1. તીખી જાડી સેવ અને મોળા ગાંઠિયા  1 કપ 
2. તલ 2 ટેબલસ્પૂન 
3. સમારેલું કોપરું 3 ટેબલસ્પૂન 
4. મીઠું 
5. ખાંડ  1 1/2 ટેબલસ્પૂન 
6. સમારેલો ગોળ 1 1/2 ટેબલસ્પૂન 
7. હિંગ 1/4 ટીસ્પૂન 
8. ધાણાજીરું  1 ટીસ્પૂન   
9. લાલ મરચું 1 1/2 ટીસ્પૂન 
10. હળદર 1/4 ટીસ્પૂન 
11. તેલ 2 થી 3 ટેબલસ્પૂન 

શાક બનાવવા માટે :

1. કાપા પાડેલાં મોટાં વઢવાણી  મરચાં  8 થી 10 નંગ
2. તેલ 2 થી 3 ટેબલસ્પૂન 
3. જીરું 1/4 ટીસ્પૂન 
4. રાઈ 1/4 ટીસ્પૂન 
5. હિંગ 1/4 ટીસ્પૂન 
6. પાણી 
7. ચણાનો લોટ 1 1/2 ટેબલસ્પૂન 
8. બનાવેલો સ્ટફિંગનો  મસાલો 4 થી 5 ટેબલસ્પૂન 
9. લીંબુનો રસ 1 ટીસ્પૂન 

રીત :

1. સૌ પ્રથમ એક મિક્સર જારમાં સેવ, ગાંઠિયા ,તલ અને સુકું કોપરું લઇ તેને ક્રશ કરીને એક બાઉલમાં કાઢી લો.   
2. હવે તેમાં મીઠું, ખાંડ, સમારેલો ગોળ, હિંગ, ધાણાજીરું,  લાલ મરચું પાવડર, હળદર અને તેલ ઉમેરી સ્ટફિંગ તૈયાર કરો. 
3. હવે સ્ટફિંગને કાપા પાડેલાં મરચાંમાં ભરીલો.
4. એક પેન કે કઢાઈ માં તેલ લઇ તેમાં જીરું, રાઈ, હિંગ, અને ભરેલા મરચાં  ઉમેરી ઉપર થાળી ઢાંકી. થાળીમાં થોડું પાણી ભરી કુક થવા દો.
5. થોડું કુક થઇ જાય પછી તેમાં વધેલો સ્ટફિંગનો મસાલો, ચણાનો લોટ, લીંબુનો રસ મિક્સ કરી ઢાંકેલી થાળીમાંનું ગરમ પાણી ઉમેરી ઢાંકણ ઢાંકી 2 મિનીટ માટે કુક કરીલો. 
6. સર્વ કરો. 

Kheer

           ખીર 

 

          સામગ્રી

1. ઘી 1 ટીસ્પૂન  
2. પલાળેલા ચોખા 1 ટેબલસ્પૂન     
3. દૂધ 500 મિલી.   
4. ખાંડ 1/2 કપ     
5. કેસરના તાંતણા  10 થી 12    
6. ડ્રાય ફ્રુટ  પાવડર 1 ટેબલસ્પૂન 
7. ઈલાયચી પાવડર 1/2 ટીસ્પૂન   
8. જાયફળ ચપટી  
9. ચારોળી 1/2 ટીસ્પૂન  
10. પીસ્તા અને બદામની કતરણ 1 ટેબલસ્પૂન  

દૂધ અને સાબુદાણાનું મિશ્રણ બનાવવા માટે :

1. દૂધ 1/2 કપ  
2. ઘીમાં શેકીને ક્રશ કરેલા સાબુદાણાનો પાવડર 1  1/2 ટીસ્પૂન  
3. મિલ્ક પાવડર 2 ટેબલસ્પૂન  

ગાર્નીશિંગ માટે :

1. ઈલાયચી પાવડર  
2. ચારોળી  
3. બદામ પિસ્તાની કતરણ    

રીત :  

ખીર બનાવવા માટે:

1. એક પેન કે કઢાઈ માં ઘી લઇ તેમાં ચોખા ઉમેરી સાંતળી લો.   
2. ત્યારબાદ તેમાં દૂધ ઉમેરી ચોખા ચઢી જાય ત્યાં સુધી હલાવતા રહી કુક કરી લો. 
3. હવે તેમાં (1/2 કપ દૂધમાં ક્રશ કરેલા સાબુદાણા અને મિલ્ક પાવડર ઉમેરી બનાવેલું) મિશ્રણ ઉમેરી હલાવી લો.  
4. પછી તેમાં ખાંડ, કેસર, ડ્રાયફ્રુટ પાવડર, ઈલાયચી પાવડર, જાયફળ પાવડર, ચારોળી અને બદામ પિસ્તાની કતરણ ઉમેરી હલાવી કુક કરી લો.   
5. ખીરને સર્વિંગ બાઉલમાં લઇ ઉપર ઈલાયચી પાવડર, ચારોળી અને બદામ પિસ્તાની કતરણથી ગાર્નીશ કરી સર્વ કરો.  (વરખ પણ લગાડી શકાય )  

 

Veg Moglai Kabab

વેજ મોગલાઈ કબાબ                                                   

સામગ્રી 

1. બાફેલા બટાટા 2 નંગ  
2. બાફેલું સૂરણ 100 ગ્રામ     
3. બાફેલી મેથીની ભાજી 50 ગ્રામ (બાફતી વખતે થોડું મીઠું અને ખાંડ ઉમેરીને બાફવું નીતારીને લેવું.)  
4. ફુદીનો 1 ટેબલસ્પૂન  
5. કોથમીર 2 ટેબલસ્પૂન 
6. લીલાં મરચાં 3 થી 4 નંગ  
7. વાટેલું આદુ અને લસણ 1 1/2 ટીસ્પૂન  
8. બદામ પાવડર 2 ટેબલસ્પૂન  
9. પનીર 1 ટેબલસ્પૂન  
10. ચીઝ 1 ક્યુબ  
11. દહીં 1 ટીસ્પૂન  
12. લીંબુનો રસ 1 ટીસ્પૂન  
13. ગરમ મસાલો 1 ટીસ્પૂન  
14. જીરું 1 ટીસ્પૂન  
15. મીઠું  
16. ઘીમાં શેકેલો ચણાનો લોટ 3 ટેબલસ્પૂન  
17. કોર્નફલોર 2 ટેબલસ્પૂન  
18. ફ્રેશ બ્રેડક્રમ્સ જરૂર મુજબ  
19. તેલ 1 ટીસ્પૂન  
20. ઘી 1 ટીસ્પૂન  

સર્વિંગ માટે   

કેચપ અને ફુદીનાની ચટણી  

રીત   

1. એક મિક્સર જારમાં બાફેલા બટાટા, સૂરણ, મેથીની ભાજી, ફુદીનો, કોથમીર, લીલાં મરચાં, આદુ લસણ, બદામનો પાવડર, પનીર ભૂકો કરીને, ચીઝ ટુકડા કરીને, દહીં, લીંબુનો રસ, ગરમ મસાલો, જીરું અને મીઠું લઇ ક્રશ કરી લો.   
2. હવે તેમાં ચણાનો લોટ અને કોર્નફ્લોર ઉમેરી ક્રશ કરો.    
3. બાઉલમાં કાઢી તેમાં ફ્રેશ બ્રેડક્રમ્સ ઉમેરી મિક્સ કરી તેલથી કેળવી લો. 
4. તેના ગોળા વાળી કબાબનો શેપ આપી દો.  
5. ફ્રાઈંગ પેન કે તવી મૂકી તેલ અને ઘી ઉમેરીને ધીમા તાપે બંને બાજુ બ્રાઉન રંગના થાય ત્યાં સુધી શેકી લો.  
6. કેચપ અને ફુદીનાની ચટણી સાથે સર્વ કરો.                      

Cheeze Chily Potli

ચીઝ ચીલી પોટલી 

સામગ્રી:

1. હળદર અને મીઠું નાંખીને રાખેલું કોબીજનું છીણ  1 કપ, 
2. તેલ 1 ટેબલસ્પૂન 
3. લીલા મરચાં ની પેસ્ટ 1 યેબ્લ્સ્પૂન 
4. ગરમ મસાલો ચપટી 
5. ચીઝ 30 ગ્રામ 

અન્ય સામગ્રી: 

1. બાંધેલી કણક 1 કપ   (રોટલીના લોટના લોટ કરતાં સહેજ કઠણ લોટ બાંધવો.)
2. તેલ તળવા માટે 

સર્વ કરવા માટે :

1. કેચપ 

રીત : 

1. સૌ પ્રથમ હળદર, મીઠું નાંખેલા કોબીજના છીણને હાથેથી દબાવીને નીતારી લો.    
2. એક પેન અથવા કઢાઈમાં 1 ટેબલસ્પૂન તેલ લઈ તેમાં લીલા મરચાંની પેસ્ટ ઉમેરી સાંતળો      
3. તેમાં નીતરેલી કોબીજનું છીણ લઇ તેમાં ગરમ મસાલો ઉમેરી સાંતળી લો.  
4. હવે  મિશ્રણને એક બાઉલમાં કાઢી ઠંડુ થવા દો, 
5. મિશ્રણ ઠંડુ થયા બાદ જ તેમાં ચીઝને છીણી મિક્સ કરી તેના નાના ગોળા વાળી લો. 
6. બાંધેલી કણકમાંથી પૂરી વણી લો 
7. પુરીની વચ્ચે બનાવેલા ગોળમાંથી દરેકમાં એક એક ગોળો મૂકી પોટલી જેવું બનાવીને દરેક પો લી તૈયાર  કરીલો.
8. પોટલીને ગરમ તેલમાં બ્રાઉન રંગની થાય એવી તળી લો. 
9. કેચપ અથવા લીલી ચટણી સાથે સર્વ કરો. 

Chocolate Walnut Browny

ચોકલેટ વોલનટ બ્રાઉની

 

સામગ્રી :

મેંદા નું મિશ્રણ તૈયાર કરવા માટે  

1. મેંદો 60 ગ્રામ 
2. બેકિંગ સોડા  1/8 ટીસ્પૂન 
3. બકિંગ પાવડર 1/4 ટીસ્પૂન 
4. મીઠું ચપટી 
5. કોકો પાવડર 1 1/2 ટેબલસ્પૂન 

ચોકલેટ નું મિશ્રણ તૈયાર કરવા માટે 

1. કન્ડેન્સ્ડ મિલ્ક  70 ગ્રામ 
2. બટર  65 ગ્રામ (રૂમ ટેમ્પરેચર પરનું હોવું જોઈએ)
3. ડાર્ક ચીક્લેટ મેલ્ટ કરેલી 80 ગ્રામ 
4. વેનીલા એસેન્સ 1 ટીસ્પૂન 
5. 1/2 ટીસ્પૂન ચીક્લેટ એસેન્સ ઉમેરવું હોય તો ઉમેરી શકાય. તેનાથી  સારો ટેસ્ટ આવે
6. હુંફાળું દૂધ 1/4 કપ 
7. અખરોટ 1 ટેબલસ્પૂન   

રીત : 

1. એક બાઉલ માં ચારણી મૂકી ચારણીમાં 60 ગ્રામ મેંદો, 1/4 ટીસ્પૂન બેકિંગ પાવડર, 1/8 ટીસ્પૂન બેકિંગ સોડા, ચપટી જ મીઠું, 1 1/2 ટીસ્પૂન કોકો પાવડર લઇ ચાળી લો.(ડ્રાય ઇન્ગ્રીડેન્ટસ)
2. આ મિશ્રણ ને 3 વાર ચાળી લો.
3. ઓવનને પ્રીહીટ કરવા મૂકી દો.
4. બીજા બાઉલમાં 70 ગ્રામ કન્ડેન્સ્ડ મિલ્ક લો. તેમાં 65 ગ્રામ બટર (રૂમ ટેમ્પરેચર પરનું હોવું જોઈએ) લઇ તેને બીટર વડે બીટ કરી લો. (ઇલેક્ટ્રિક બીટર ના હોય તો સાદું પણ ચાલે. થોડી વાર વધારે લાગે. )
5. તેમાં 80 ગ્રામ ડાર્ક ચીક્લેટ મેલ્ટ કરેલી ઉમેરો (ઓવનમાં અથવા ડબલ બોઈલરમાં કરવી)
6. બિટર વડે મિક્સ કરો.
7. હવે તેમાં 1 ટીસ્પૂન વેનીલા એસેન્સ ઉમેરો. (1/2 ટીસ્પૂન ચીક્લેટ એસેન્સ ઉમેરવું હોય તો ઉમેરી શકાય. તેનાથી સારો ટેસ્ટ આવે છે.)
8. બિટર વડે ફેરવીને તેમાં અગાઉ બનાવેલું ડ્રાય ઇન્ગ્રીડેન્ટસ વાળું મિશ્રણ ઉમેરી મિક્સ કરી પછી બીટ કરો.
9. ક્ન્સીસ્ટેન્સી સેટ કરવા માટે હુંફાળું દૂધ ઉમેરીને ડ્રોપીંગ ક્ન્સીસ્ટેન્સી લાવો (દૂધ વધારે ગરમ ના હોવું જોઈએ )
10. હવે તેમાં અખરોટના ટુકડા (રોસ્ટ કરેલા હોય તો સારું) 1 ટેબલસ્પૂન ઉમેરો અને ચમચી વડે હલાવી લો.
11. બ્રાઉની નું મિશ્રણ તૈયાર છે. 
12. હવે એક એલ્યુમીનીયમ ના ડબામાં કે કેક માટેના ટીનમાં તેલ લગાવીને  બટર પેપર પાથરીને તેમાં મિશ્રણ રેડો (બ્રાઉની માં ડાર્ક ચોકલેટ ઉમેરેલી છે માટે મેંદાથી કે તેલથી ગ્રીઝ ન કરવું જોઈએ)
13.  ડબ્બાને હાથેથી પ્લેટફોર્મ પર ટેપિંગ કરવું જરૂરી છે. તેનાથી મિશ્રણ ડબામાં એકસરખું ફેલાઈ જશે. (સરખું પાથરવા માટે ચમચીનો કે બીજા કશા નો ઉપયોગ ન કરવો)
14. ઉપર થોડા બીજા અખરોટના ટુકડા ઉમેરી થોડા દબાવીને પ્રીહિટ  કરેલા ઓવનમાં 160 ડીગ્રી પર 30 મિનીટ માટે મુકો.
15. 30 મિનીટ પછી બહાર  કાઢીને 1 મિનીટ માટે એમ જ રહેવા દઈ પછી અન્મોલ્ડ કરીને 1 કલાક સુધી ઠંડી થવા દઈ સર્વ કરો.
16. બ્રાઉનીને સર્વ કરતી વખતે  માઈક્રો માં 30 સેકેંડ માટે વોર્મ કરીને આઈસ્ક્રીમ સાથે કે ચોક્લેટ સોસ સાથે સર્વ કરી શકાય છે.

Veg Kadhai

વેજ કઢાઈ 

સામગ્રી :
ગ્રેવી બનાવવા માટે:

1. કઢાઈ મસાલો: ( 1 ટીસ્પૂન તેલ ગરમ કરી તેમાં 2 ટેબલસ્પૂન સુકા ધાણા લઇ શેકી લો. અને ગેસ બંધ કરી પછી 5 થી 6 લાલ આખાં સૂકાં મરચાં લઇ બધું સાથે જ મિક્સરમાં વાટીને પાવડર તૈયાર કરો  આ રીતે કઢાઈ મસાલો તૈયાર કરવો.)
2. ઝીણાં સમારેલા ટામેટાં 400 ગ્રામ 
3. ઘી 2 ટેબલસ્પૂન 
4. તેલ 2 ટેબલસ્પૂન 
5. બનાવેલો કઢાઈ મસાલો 2 ટેબલસ્પૂન
6. ક્સુરીમેથી 1 ટીસ્પૂન 
7. લાલ મરચાની પેસ્ટ 2 ટેબલસ્પૂન 
8. પંજાબી ગરમ મસાલો 1/4 ટીસ્પૂન 
9. ઝીણાં સમારેલાં આદુ, મરચાં, લસણ 1 ટીસ્પૂન  
10. મીઠું 

સબ્જી બનાવવા માટે : 

1. બાફેલી ફણસી, ગાજર અને વટાણા 1 1/2 કપ 
2. તેલ 1 ટેબલસ્પૂન 
3. ઘી 1 તેબ્લ્સ્પૂન 
4. જીરું 1/4 ટીસ્પૂન 
5. ઝીણી સમારેલી ડુંગળી 3 થી 4 ટેબલસ્પૂન 
6. ઝીણાં સમારેલાં આદુ, મરચાં, લસણ 1 ટેબલસ્પૂન 
7. સમારેલું કેપ્સીકમ 2 ટેબલસ્પૂન 
8. કઢાઈ મસાલો 1 ટીસ્પૂન 
9. કિચનકિંગ મસાલો 1/4 ટીસ્પૂન 
10. હળદર 1/4 ટીસ્પૂન 
11. પંજાબી ગરમ મસાલો 1/4 ટીસ્પૂન 
12. મીઠું 
13. ક્સુરીમેથી 1 ટીસ્પૂન 
14. લાલ મરચાં ની  પેસ્ટ 1 ટીસ્પૂન 
15. પનીર 1/2 કપ (છીણેલું+સમારેલું)
16. પાણી 
17. ખાંડ ચપટી 
18. ક્રીમ 2 ટેબલસ્પૂન 
19. ચીઝ 1 ટીસ્પૂન 
20. બટર 1 ટીસ્પૂન 
21. કોથમીર સમારેલી 

રીત:

1. એક કઢાઈ માં 2 ટેબલસ્પૂન તેલ અને 2 ટેબલસ્પૂન ઘી  લો. 
2. તેમાં 1 ટેબલસ્પૂન ઝીણાં  સમારેલાં આદુ ,મરચાં અને લસણ ઉમરો, 
3. થોડું થાય પછી ચાર નંગ ઝીણાં સમારેલાં ટામેટાં (લગભગ 400 ગ્રામ જેટલાં ) ઉમેરો. તેની સાથે બનાવેલો કઢાઈ મસાલો 2 ટેબલસ્પૂન ઉમેરો. અને ટામેટાં નું પાણી બળી જાય ત્યાં સુધી (10 થી 12 મિનીટ) કુક થવા દો 
4. હવે તેમાં 1 ટીસ્પૂન કસૂરીમેથી (હાથથી મસળીને ),2 ટીસ્પૂન લાલ મરચાની પેસ્ટ (લાલ મરચું પાવડર પણ લઇ શકાય), મીઠું, પંજાબી ગરમ મસાલો 1/4 ટીસ્પૂન ઉમેરો અને હલાવી થોડી વાર પછી ગેસ બંધ કરો (તેલ છુટું પડી જશે ) આ રીતે ગ્રેવી તૈયાર થઇ.
5. બીજી કઢાઈમાં 1 ટેબલસ્પૂન તેલ અને 1 ટેબલસ્પૂન ઘી લો.
6. તેમાં 1/4 ટીસ્પૂન જીરું, 3 થી 4 ટેબલસ્પૂન ઝીણી સમારેલી ડુંગળી, 1 ટીસ્પૂન ઝીણા સમારેલાં આદું મરચાં અને લસણ ઉમેરો, અને થોડું સાંતળો 
7. 2 ટેબલસ્પૂન મોટું સમારેલું કેપ્સીકમ, 1 1/2 કપ જેટલાં બાફેલાં ગાજર, ફણસી અને વટાણા ઉમેરો.અને થોડા સાંતળો. 
8. તેમાં 1 ટીસ્પૂન બનાવેલો કઢાઈ મસાલો, 1/2 ટીસ્પૂન કિચનકિંગ મસાલો, 1/4 ટીસ્પૂન હળદર, 1/4 ટીસ્પૂન પંજાબી ગરમમસાલો અને મીઠું ઉમેરો.અને બનાવેલી ગ્રેવી (અડધા ભાગની) ઉમેરો
9. થોડું પાણી ઉમેરી હલાવી 1 ટીસ્પૂન ક્સુરીમેથી, 1 ટીસ્પૂન લાલ મરચાની પેસ્ટ, 1/2 કપ પનીર, 1/4 ટીસ્પૂન ખાંડ અને 2 ટેબલસ્પૂન, ક્રીમ, 1 ટીસ્પૂન છીણેલું ચીઝ અને છેલ્લે બટર ઉમેરી હલાવી ગેસ બંધ કરી દો    
10. કોથમીર ઉમેરી સર્વ કરો.

Pettice For Burger

બર્ગર  માટેની પેટીસ 

સામગ્રી :

1. વરાળે બાફેલા બટાટા 2 નંગ મોટા 
2. ગાજરનું છીણ 1/2 કપ 
3. સમારેલી ડુંગળી 1/4 કપ 
4. સમારેલી કોથમીર 1/4 કપ 
5. લીલાં  મરચાં ની પેસ્ટ 1 ટીસ્પૂન 
6. આદુંની  પેસ્ટ 1 ટીસ્પૂન 
7. લસણની પેસ્ટ 1 ટીસ્પૂન (ઓપ્શનલ)
8. લાલ મરચું પાવડર 2 ટીસ્પૂન 
9. ગરમ મસાલો 1 ટેબલસ્પૂન 
10. ચાટમસાલો 1/2 ટીસ્પૂન 
11. આમચૂર પાવડર 1 ટીસ્પૂન 
12. મીઠું 
13. ફ્રેશ બ્રેડક્રમ્સ 1/2 કપ 

અન્ય સામગ્રી: 

1. ચણાના લોટની સ્લરી એકદમ પાતળી મીઠું,મરચું નાખેલી 
2. ડ્રાય બ્રેડક્રમ્સ  કોટિંગ માટે 
3. તેલ તળવા માટે 

એસેમ્બલીંગ માટે : 

1. બર્ગર બન્સ 
2. કેચપ 
3. મેયોનીઝ 
4. ડુંગળીની સ્લાઈસ 
5. ચીઝ સ્લાઈસ  
6. ટામેટાની સ્લાઈસ 
7. લેટટ્સ ના પાન  અથવા કોબીજના પાન સમારેલાં 
8. કાકડીની સ્લાઈસ 

રીત :
પેટીસ ની રીત :

1. એક બાઉલમાં બાફેલા બટાકાનો માવો, ગાજરની છીણ, સમારેલી ડુંગળી, કોથમીર, મરચાંની પેસ્ટ, આદુંની  પેસ્ટ, લસણની પેસ્ટ(ઓપ્શનલ), લાલ મરચું પાવડર, ગરમ મસાલો, ચાટ  મસાલો, આમચુર પાવડર અને મીઠું ઉમેરી મિક્સ કરો. 
2. હવે તેમાં ફ્રેશ બ્રેડ ક્રમ્સ ઉમેરી  મિક્સ કરી ગોળા વાળી લો, 
3. આ ગોળાને ચણાના લોટની સ્લરીમાં ડીપ કરી ડ્રાય બ્રેડક્રમ્સમાં રગદોળી હાથેથી જ શેપ આપી દો.
4. હવે આ ટિક્કીને ગરમ તેલમાં ગોલ્ડન બ્રાઉન થાય ત્યાં સુધી તળી લો. આ રીતે પેટીસ તૈયાર થશે.

એસેમ્બલીંગ: 

1. બર્ગર બનને  વચ્ચેથી કાપી તેલમાં કે બટરમાં શેકી (શેકવું ઓપ્શનલ છે) કેચપ લગાવી બનાવેલી પેટીસ મૂકી  ઉપર ફરીથી કેચપ લગાવી ઉપર થોડું મેયોનીઝ, ડુંગળીની સ્લાઈસ, કાકડીની સ્લાઈસ, ટામેટાની  સ્લાઈસ, કોબીજનાં પાન, ચીઝ સ્લાઇસ, અને બર્ગરની સ્લાઈસ મૂકી સહેજ ઉપરથી દબાવી સર્વ કરો. 

Crispy Idli Vada

ક્રિસ્પી ઈડલી વડાં 

ખીરું બનાવવા માટે :
સામગ્રી:

1. 3 થી  4 કલાક  પલાળીને લીલાં મરચાં નાખીને વાટેલી ચણાની દાળ  1 કપ (કરકરી વાટવી) 
2. ઝીણી સમારેલી ડુંગળી 1 નંગ
3. લીલાં  મરચાં  2 નંગ 
4. કોથમીર 2 ટેબલસ્પૂન 
5. મીઠું 
6. પાણી 
7. સુકા ધાણા 1 ટીસ્પૂન 
8. વરીયાળી 1 ટીસ્પૂન 
9. આખાં મરી 10 થી 12 નંગ 

વઘાર માટે:

1. તેલ 1 ટેબલસ્પૂન  
2. લાલ સુકું મરચું 1 નંગ 
3. અડદની દાળ  1 ટીસ્પૂન 
4. ચણાની દાળ 1/2 ટીસ્પૂન 
5. લીમડાનાં પાન  4 થી 5 નંગ 
6. હિંગ 1/2 ટીસ્પૂન 
7. રાઈ 1/2 ટીસ્પૂન 
8. તેલ તળવા માટે 

સર્વિંગ માટે:

1. દહીં
2. ડુંગળીની સ્લાઈસ 

રીત:

1. એક બાઉલમાં વાટેલી ચણાની દાળ, સમારેલી ડુંગળી, લીલાં  મરચાં અને કોથમીર સમારેલી મિક્સ કરી થોડું મીઠું ઉમેરી પાણી વડે  ઈડલી અથવા દાળવડા જેવું  ખીરું બનાવો.
2. હવે તેમાં ઉપર જ  સુકા ધાણા,વરીયાળી અને આખાં મરી ઉમેરી દો. અને એમજ રહેવા દેવું. હલાવવું નહિ. 
3. વઘારિયામાં તેલ લઇ તેમાં લાલ આખું મરચું, અડદની દાળ, ચણાની દાળ, રાઈ, લીમડાનાં પાન, હિંગ નો વઘાર કરી મિશ્રણ પર ઉમેરી મિક્સ કરી લો 
4. તેને ઈડલીના કુકરમાં તેલ લગાવી ઈડલીની જેમ ખીરું ભરી 7 થી 8 મિનીટ  બાફીલો. 
5. આ રીતે બધી ઈડલી તૈયાર કરીલો.
6. કઢાઈમાં તેલ ગરમ કરીને બધી તૈયાર કરેલી ઈડલી એકદમ બ્રાઉન રંગની તળીલો, ( ક્રિસ્પી થાય ત્યાં સુધી તળવી) 
7. ચા અથવા દહીં અથવા ડુંગળીની સ્લાઈસ સાથે સર્વ કરો.

Vej Khada Masala

વેજ ખડા મસાલા 

સામગ્રી :

1. ખડા મસાલા નાંખીને બાફેલા ગાજર, ફણસી,વટાણા અને બટાટા 200 ગ્રામ ( કુકરમાં 1 થી 1 1/2 કપ પાણી લઇ તેમાં તજ,લવિંગ,મરી, બાદીયું, એલચી, એલચો, જાવંત્રી, દરેક 4 નંગ લઇ પહેલાં 2 થી 3 મિનીટ મસાલાને ઉકાળો પછી તેમાં ઉપરના શાકભાજી  અને મીઠું નાંખો અને માત્ર એકજ વ્હીસલ વગાડીને તરત જ ખોલી નાંખવું ખોલીને પાણી અને શાકભાજી અલગ કરી દેવાં જેમાંથી વેજી.સ્ટોક પણ તૈયાર થશે. જે સબ્જીમાં વાપરવા માટે લઇ શકાશે. આખા મસાલા પણ કાઢી લેવા )
2. તેલ 3 ટેબલસ્પૂન 
3. જીરું 1/2 ટીસ્પૂન 
4. તમાલપત્ર 2 નંગ,
5. બાદીયા 1 નંગ
6. તજ 1 નંગ 
7. એલચા 2 નંગ 
8. ઈલાયચી 2 નંગ 
9. જાવંત્રી 1 નંગ 
10. લવિંગ 3 નંગ 
11. આદુની પેસ્ટ 1 ટીસ્પૂન 
12. લસણની પેસ્ટ 1 ટીસ્પૂન 
13. ટોમેટો પ્યુરી 1/2 કપ (બ્લાન્ચ કરેલા ટામેટા ને છાલ કાઢીને ક્રશ કરવું 
14. હળદર 1/4 ટીસ્પૂન 
15. લાલ આખા મરચાંની પાણીમાં પલાળીને બનાવેલી પેસ્ટ 1 ટેબલસ્પૂન 
16. ધાણા પાવડર 1 ટીસ્પૂન 
17. જીરું પાવડર 1/2 ટીસ્પૂન 
18. ગરમ મસાલો 1 ટીસ્પૂન
19. તળેલી ડુંગળીની સહેજ પાણી નાંખીને વાટેલી પેસ્ટ 2 ટેબલસ્પૂન 
20. મીઠું 
21. કોથમીર 1 ટેબલસ્પૂન 

રીત:

1. એક કઢાઈ  અથવા પેનમાં તેલ લઇ તેમાં જીરું, તમાલપત્ર, બાદીયા, તજ, એલચા, ઈલાયચી, જાવંત્રી, લવિંગ, આદુની પેસ્ટ, અને લસણની પેસ્ટ ઉમેરી ધીમા તાપે સાંતળો.
2. પછી તેમાં ટોમેટો પ્યુરી ઉમેરી પ્યુરીનું પાણી બળી જાય એટલે તેમાં હળદર, લાલ મરચાની પેસ્ટ, ધાણાપાવડર, જીરું પાવડર, ગરમમસાલો, તળેલી ડુંગળીની પેસ્ટ, મીઠું, ઉમેરી સાંતળો 
3. વેજીટેબલ સ્ટોક, અને બ્લાંચ કરેલા શાકભાજી ઉમેરી હલાવી જરૂર પડેતો વધુ સ્ટોક ઉમેરી હલાવી 2 મિનીટ ચઢવા દો.(જો કેપ્સીકમ ઉમેરવા હોય તો સમારીને કઢાઈમાં સાંતળીને ઉમેરવાં)
4. થીક ગ્રેવીવાળી સબ્જી રાખવી.
5. ત્યારબાદ તેમાં કોથમીર ઉમેરી થોડીવાર પછી સર્વ કરો.

Fada Lapsi

ફાડા  લાપસી :

સામગ્રી:

1. ઘઉંના ફાડા 1 કપ 
2. ઘી 1/2 કપ 
3. તજ 2 ટુકડા 
4. લવિંગ 3 નંગ 
5. ઈલાયચી 2 નંગ 
6. સુકી દ્રાક્ષ  1 ટેબલસ્પૂન 
7. બદામની કતરણ 1 ટેબલસ્પૂન 
8. પાણી 2 1/2 કપ 
9. ખાંડ 1 કપ 
10. પાણી 1/2 કપ (ખાંડ  ઓગળવા માટે)
11. ઘી 1 ટેબલસ્પૂન 
12. ઈલાયચી પાવડર 1 ટીસ્પૂન 
13. કેસરવાળું દૂધ 1 ટીસ્પૂન 

ગાર્નીશ કરવા માટે 

1. ઈલાયચી પાવડર 
2. પિસ્તાની કતરણ 

 રીત :

1. એક કુકરમાં ઘી લઇ તેમાં તજ, લવિંગ અને ઘઉંના ફાડા ઉમેરી શેકી લો. 
2. આછા ગુલાબી રંગના શેકવા.
3. શેકાઈ જાય એટલે ગેસ બંધ કરી તેમાં સુકી દ્રાક્ષ, બદામ ઉમેરી થોડી વાર હલાવી પછી 2 1/2 કપ પાણી ઉમેરી કુકરનું ઢાંકણ ઢાંકી ફરીથી ગેસ ચાલુ કરી 3 વ્હીસલ વાગે ત્યાં સુધી થવા દો.
4. કુકર ઠંડુ થાય એ દરમ્યાન બીજી એક કઢાઈ માં ખાંડ 1 કપ લઇ તેમાં 1/2 કપ પાણી ઉમેરી ખાંડ ઓગળે ત્યાં સુધી થવા દો.
5. ખાંડ ઓગળે એટલે એમાં ઘી 2 ચમચી , ઈલાયચી પાવડર અને કેસર વાળું  દૂધ લઇ મિક્સ કરી દો.અને અગાઉ બાફેલા ફાડા ઉમેરી મિક્સ કરી ફાસ્ટ ગેસ પર હલાવતા રહી 2 મિનીટ ચઢવા દો.
6. પછી ગેસ ધીમો કરી 5 થી 7 મિનીટ ઢાંકણ ઢાંકીને ચઢવા દો.
7. ઘી છુટું પડી જશે. ગેસ બંધ કરીને સર્વિંગ પ્લેટમાં લઇ તેની ઉપર ઈલાયચી પાવડર તેમજ પિસ્તાની કતરણ ભભરાવી સર્વ કરો.

Surti Locho

સુરતી લોચો 

સામગ્રી:

1. 4 થી 5 કલાક પાણીમાં પલાળીને ક્રશ કરેલી ચણાની દાળ  1 બાઉલ (વાટતી વખતે ખુબ જ ઓછું પાણી ઉમેરવું. પેસ્ટ જેવું જ રહેવું જોઈએ ખીરા જેવું ન થવું જોઈએ )
2. ચણાનો લોટ 1 ટેબલસ્પૂન 
3. ખમણનો ટુકડો 1 નંગ 
4. આદુંમરચાં ની પેસ્ટ 1 ટેબલસ્પૂન 
5. હિંગ 1/4 ટીસ્પૂન 
6. મીઠું 
7. હળદર ચપટી 
8. પાણી 
9. તેલ 1 ટીસ્પૂન 
10. ઈનો (ફ્રુટ સોલ્ટ ) 1/2 ટીસ્પૂન 

મસાલો બનાવવા માટે :

1. શેકેલું જીરું પાવડર 1 ટીસ્પૂન 
2. લાલ મરચું પાવડર 1 1/2  ટીસ્પૂન 
3. સંચળ પાવડર 3/4 (પોણી ) ટીસ્પૂન 
4. મીઠું 

સર્વિંગ માટે :

1. ઓગળેલું માખણ 2 ટેબલસ્પૂન 
2. સેવ 3 થી 4 ટેબલસ્પૂન 
3. સમારેલી ડુંગળી 1 ટેબલસ્પૂન 
4. કોથમીર 
5. લીલી ચટણી

 રીત : 

1. વાટેલી ચણાની દાળમાં ચણાનો લોટ, ખમણનો ટુકડો ભૂકો કરીને ઉમેરી મિક્સ કરી લો, 
2. આ મિશ્રણને 3 થી 4 કલાક માટે ઢાંકણ ઢાંકી મૂકી રાખી આથો આવવા દો.
3. આથો આવી જાય ત્યારબાદ આદું મરચાં ની પેસ્ટ, હિંગ, મીઠું અને હળદર ઉમેરી મિક્સ કરો. 
4. હવે તેમાં જરૂર મુજબ પાણી ઉમેરી ખીરું તૈયાર કરો. 
5. ત્યારબાદ તેલ અને ઈનો ઉમેરી હલાવીને તરત જ તેલ લગાવેલી થાળીમાં પાથરી પહેલેથી ગરમ ઢોકળાં ના કુકરમાં 8 થી 10 મિનીટ માટે બફાવા મુકો.

મસાલો બનાવવા માટે: 

1. શેકીને વાટેલું જીરું ,લાલમરચું પાવડર, સંચળ પાવડર અને મીઠું ઉમેરી મિક્સ કરી દો. આ રીતે મસાલો તૈયાર થશે 

સર્વિંગ માટે :

1. એક પ્લેટમાં તૈયાર થયેલો થોડો લોચો લઇ તેની ઉપર મેલ્ટેડ બટર, બનાવેલો મસાલો, સેવ, સમારેલી ડુંગળી, ઉપર ફરીથી બટર ઉમેરી કોથમીર ભભરાવી લીલી ચટણી સાથે સર્વ કરો. 

Dahi Vada

દહીં વડાં

સામગ્રી:

1. આખા અડદ (1/2 કપ ) અને મગની મોગરદાળ (2 ટેબલસ્પૂન)નું ખીરું 1 કપ (બંને સામગ્રીને 7 થી 8 કલાક પાણીમાં પલાળી,અડદનાં ફોતરાં કાઢી થોડું પાણી લઇ વાટી લેવું)  
2. પાણી 
3. લીલાં મરચાં 2 નંગ 
4. આદું1 ટુકડો 
5. મીઠું 
6. તેલ તળવા માટે 

પીરસવા માટે :

1. દહીં 
2. સંચળ 
3. આમલીનીચટણી   
4. લીલી (ચાટની) ચટણી
5. શેકેલું જીરું પાવડર 
6. લાલ મરચું પાવડર 
7. કોથમીર 
8. ઝીણી સેવ (ઓપ્શનલ )

દહીંવડાં બનાવવા માટેની રીત :

1. એક બાઉલમાં ખીરું લઇ તેમા થોડો પાણી વાળો હાથ કરી ખીરાને બરાબર ફીણવું. આ રીતે પાણીથી ફીણતાં જઈ એકદમ હલકુ થાય ત્યાં સુધી ખુબ ફીણવું (ખીરાનું એક ટપકું પાણીમાં પાડવું અને જો તે પાણીમાં તરે તો થઇ ગયું કહેવાય)
2. ત્યારબાદ તેમાં લીલાં મરચાં,આદું અને મીઠું ઉમેરી બરાબર મિકસ કરી ખીરું તૈયાર કરો.
3. પાણીવાળો હાથ કરી ખીરાના ગરમ તેલમાં ડપકાં મૂકી તળી લો. આ રીતે વડા તૈયાર થશે. 
4. તળેલાં વડાં ને સીધાં જ હિંગ અને મીઠું નાંખેલા પાણીમાં નાંખો.
5. થોડી વાર એમજ રાખી પોચાં થઇ જાય પછી બહાર કાઢી હાથેથી દબાવી પાણી નીતરી લો 
6. એક પ્લેટમાં દહીં લઇ તેની ઉપર નીતારેલાં વડાં મૂકી ઉપરથી થોડું દહીં, આમલીની ચટણી, લીલી ચટણી, સંચળ પાવડર, શેકેલું જીરું પાવડર, લાલ મરચું પાવડર, કોથમીર અને ઝીણી સેવ ભભરાવી સર્વ કરો. 

Punjabi Samosa

પંજાબી સમોસા 

સામગ્રી:
કણક  બનાવવા માટે

1. મેંદો 125 ગ્રામ 
2. રવો 1 1/2 ટેબલસ્પૂન 
3. મીઠું 
4. અજમો 1/4 ટીસ્પૂન 
5. જીરું 1/4 ટીસ્પૂન  
6. થીજેલું ઘી અથવા વનસ્પતિ ઘી 2 ટેબલસ્પૂન 
7. પાણી 

સ્ટફિંગ બનાવવા માટે : 

1. ઘી 1 ટીસ્પૂન 
2. જીરું 1/2 ટીસ્પૂન 
3. બાફેલા બટાટા સમારીને 250 ગ્રામ 
4. આમચૂર પાવડર 1/2 ટીસ્પૂન 
5. આદું મરચાંની પેસ્ટ 2 ટીસ્પૂન 
6. શેકેલા ધાણા નો પાવડર 1ટીસ્પૂન 
7. મરી પાવડર 1/2 ટીસ્પૂન 
8. ચાટ મસાલો 1/2 ટીસ્પૂન 
9. મીઠું 
10. લાલ મરચું પાવડર 1/2 ટીસ્પૂન 
11. બાફેલા વટાણા 1/4 કપ 
12. કોથમીર સમારેલી 1/2 કપ 
13. ગરમ મસાલો 1 ટીસ્પૂન 
14. ફુદીનો 5 થી 7 પાન 
15. તળવા માટે તેલ 

રીત:
કણક  બનાવવા માટેની રીત 

1. એક બાઉલમાં મેંદો અને રવો લઇ તેમાં મીઠું, અજમો, જીરુ (હાથેથી મસળીને) અને ઘી ઉમેરી મિક્સ કરી પાણી વડે કણક તૈયાર કરો. 
2. કણકને ઢાંકીને અડધો કલાક માટે મૂકી રાખો.

સ્ટફિંગ માટેની રીત: 

1. એક પેન અથવા કઢાઈ માં ઘી લઇ તેમાં જીરું ઉમેરી બફેલા બટાટાના ટુકડાને સાંતળો.
2. ત્યારબાદ તેમાં આમચુર પાવડર, આદુંમરચાં ની પેસ્ટ, શેકેલા ધાણાનો પાવડર, મરી પાવડર, ચાટ  મસાલો, મીઠું, લાલ મરચું પાવડર, વટાણા ઉમેરી મિક્સ કરી લો. 
3. છેલ્લે તેમાં ગરમ મસાલો અને ફુદીનો ઉમેરી સ્ટફિંગ તૈયાર કરો.
4. સ્ટફિંગને  બાઉલમાં કાઢી ઠંડુ થવા દો.
5. ઠંડુ થયા બાદ કોથમીર ઉમેરી મિક્સ કરી લો.
6. કણકને કેળવી લુઆ કરી મોટી રોટલી વણી વચ્ચેથી કાપો કરી લો. 
7. કિનારીએ પાણી લગાવીને સમોસાનો આકાર આપી તેમાં સ્ટફિંગ ભરી બંધ કરી ધીમા તાપે આછા રંગના તળી લો. 
8. થોડા ઠંડા થયા બાદ ફરીથી તળી લો.
9. લીલી ચટણી અને આમલીની ચટણી સાથે સર્વ કરો.