Amlapoli

આમળાપોળી 

સામગ્રી 

1. વરાળે બાફેલાં આમળાં 100 ગ્રામ,
2. ઘી 1 ટીસ્પૂન,
3. તુવરની દાળ  50 ગ્રામ, 
4. ખાંડ 100 ગ્રામ, 
5. ગોળ 100 ગ્રામ, 
6. ઈલાયચી પાવડર 1 ટીસ્પૂન, 
7. ચારોળી, બદામ,અને પિસ્તાં  3 ટેબલસ્પૂન 
8. ખસખસ 1 ટીસ્પૂન 
9. મોળો માવો 1  1/2 ટેબલસ્પૂન 
10. ઘઉં અને મેંદો બંને સરખા ભાગે લઇ બાંધેલી કણક 1 કપ, 
11. ઘી શેકવા માટે 

રીત :

1. મેંદો અને ઘઉંનો લોટ મિક્સ કરી ચપટી જ મીઠું અને ઘીનું મોણ ઉમેરી લોટ બાંધો 
2. 100 ગ્રામ આમળાને વરાળથી બાફીને ચારણીથી ચાળી લેવાં જેથી રેસા નીકળી જાય. આ રીતે આમળાનો પલ્પ બનશે.
3. 50 ગ્રામ તુવરનીદાળ પાણી ના રહે એ રીતે બાફી લેવી.
4. એક કઢાઈમાં ઘી 1 ટીસ્પૂન મૂકી તેમાં આમળાનો બનાવેલો પલ્પ ઉમેરી 1 થી 2 મિનીટ સુધી સાંતળો. 
5. એમાં બાફેલી તુવરનીદાળ ઉમેરી ધીમા તાપે શેકો. (પાણીનો ભાગ ન રહે એવું શેકવું)
6. હવે એમાં ખાંડ અને ગોળ ઉમેરી હલાવતા રહી ઘટ્ટ થાય એટલું શેકવું.
7. ઘટ્ટ થઇ જાય પછી એમાં મિક્સ ડ્રાયફ્રુટ્સનો ભૂકો (ચારોળી, બદામ, પીસ્તા, કાજુ), ઈલાયચી પાવડર, ખસખસ ઉમેરી ગેસ બંધ કરીને બધું મિક્સ કરી મોળો માવો ઉમેરી મિક્સ કરો. 
8. હવે એને સાવ ઠંડુ થવા દો. સહેજ પણ હુંફાળું હશે તો પણ નહિ ચાલે.
9. બનાવેલી કણક માંથી નાની નાની પૂરી વણી તેમાં 1 થી 1 1/2 ટેબલસ્પૂન સ્ટફિંગ મૂકી બંધ કરી વણી લો, 
10. તવીમાં બંને બાજુ હલકું શેકીને પછી ઘી મૂકી શેકી લો.
11. ખાટી કઢી અને ઘી સાથે સર્વ કરો. 

Fada Lapsi

ફાડા  લાપસી :

સામગ્રી:

1. ઘઉંના ફાડા 1 કપ 
2. ઘી 1/2 કપ 
3. તજ 2 ટુકડા 
4. લવિંગ 3 નંગ 
5. ઈલાયચી 2 નંગ 
6. સુકી દ્રાક્ષ  1 ટેબલસ્પૂન 
7. બદામની કતરણ 1 ટેબલસ્પૂન 
8. પાણી 2 1/2 કપ 
9. ખાંડ 1 કપ 
10. પાણી 1/2 કપ (ખાંડ  ઓગળવા માટે)
11. ઘી 1 ટેબલસ્પૂન 
12. ઈલાયચી પાવડર 1 ટીસ્પૂન 
13. કેસરવાળું દૂધ 1 ટીસ્પૂન 

ગાર્નીશ કરવા માટે 

1. ઈલાયચી પાવડર 
2. પિસ્તાની કતરણ 

 રીત :

1. એક કુકરમાં ઘી લઇ તેમાં તજ, લવિંગ અને ઘઉંના ફાડા ઉમેરી શેકી લો. 
2. આછા ગુલાબી રંગના શેકવા.
3. શેકાઈ જાય એટલે ગેસ બંધ કરી તેમાં સુકી દ્રાક્ષ, બદામ ઉમેરી થોડી વાર હલાવી પછી 2 1/2 કપ પાણી ઉમેરી કુકરનું ઢાંકણ ઢાંકી ફરીથી ગેસ ચાલુ કરી 3 વ્હીસલ વાગે ત્યાં સુધી થવા દો.
4. કુકર ઠંડુ થાય એ દરમ્યાન બીજી એક કઢાઈ માં ખાંડ 1 કપ લઇ તેમાં 1/2 કપ પાણી ઉમેરી ખાંડ ઓગળે ત્યાં સુધી થવા દો.
5. ખાંડ ઓગળે એટલે એમાં ઘી 2 ચમચી , ઈલાયચી પાવડર અને કેસર વાળું  દૂધ લઇ મિક્સ કરી દો.અને અગાઉ બાફેલા ફાડા ઉમેરી મિક્સ કરી ફાસ્ટ ગેસ પર હલાવતા રહી 2 મિનીટ ચઢવા દો.
6. પછી ગેસ ધીમો કરી 5 થી 7 મિનીટ ઢાંકણ ઢાંકીને ચઢવા દો.
7. ઘી છુટું પડી જશે. ગેસ બંધ કરીને સર્વિંગ પ્લેટમાં લઇ તેની ઉપર ઈલાયચી પાવડર તેમજ પિસ્તાની કતરણ ભભરાવી સર્વ કરો.

Surti Locho

સુરતી લોચો 

સામગ્રી:

1. 4 થી 5 કલાક પાણીમાં પલાળીને ક્રશ કરેલી ચણાની દાળ  1 બાઉલ (વાટતી વખતે ખુબ જ ઓછું પાણી ઉમેરવું. પેસ્ટ જેવું જ રહેવું જોઈએ ખીરા જેવું ન થવું જોઈએ )
2. ચણાનો લોટ 1 ટેબલસ્પૂન 
3. ખમણનો ટુકડો 1 નંગ 
4. આદુંમરચાં ની પેસ્ટ 1 ટેબલસ્પૂન 
5. હિંગ 1/4 ટીસ્પૂન 
6. મીઠું 
7. હળદર ચપટી 
8. પાણી 
9. તેલ 1 ટીસ્પૂન 
10. ઈનો (ફ્રુટ સોલ્ટ ) 1/2 ટીસ્પૂન 

મસાલો બનાવવા માટે :

1. શેકેલું જીરું પાવડર 1 ટીસ્પૂન 
2. લાલ મરચું પાવડર 1 1/2  ટીસ્પૂન 
3. સંચળ પાવડર 3/4 (પોણી ) ટીસ્પૂન 
4. મીઠું 

સર્વિંગ માટે :

1. ઓગળેલું માખણ 2 ટેબલસ્પૂન 
2. સેવ 3 થી 4 ટેબલસ્પૂન 
3. સમારેલી ડુંગળી 1 ટેબલસ્પૂન 
4. કોથમીર 
5. લીલી ચટણી

 રીત : 

1. વાટેલી ચણાની દાળમાં ચણાનો લોટ, ખમણનો ટુકડો ભૂકો કરીને ઉમેરી મિક્સ કરી લો, 
2. આ મિશ્રણને 3 થી 4 કલાક માટે ઢાંકણ ઢાંકી મૂકી રાખી આથો આવવા દો.
3. આથો આવી જાય ત્યારબાદ આદું મરચાં ની પેસ્ટ, હિંગ, મીઠું અને હળદર ઉમેરી મિક્સ કરો. 
4. હવે તેમાં જરૂર મુજબ પાણી ઉમેરી ખીરું તૈયાર કરો. 
5. ત્યારબાદ તેલ અને ઈનો ઉમેરી હલાવીને તરત જ તેલ લગાવેલી થાળીમાં પાથરી પહેલેથી ગરમ ઢોકળાં ના કુકરમાં 8 થી 10 મિનીટ માટે બફાવા મુકો.

મસાલો બનાવવા માટે: 

1. શેકીને વાટેલું જીરું ,લાલમરચું પાવડર, સંચળ પાવડર અને મીઠું ઉમેરી મિક્સ કરી દો. આ રીતે મસાલો તૈયાર થશે 

સર્વિંગ માટે :

1. એક પ્લેટમાં તૈયાર થયેલો થોડો લોચો લઇ તેની ઉપર મેલ્ટેડ બટર, બનાવેલો મસાલો, સેવ, સમારેલી ડુંગળી, ઉપર ફરીથી બટર ઉમેરી કોથમીર ભભરાવી લીલી ચટણી સાથે સર્વ કરો. 

Gujarati Dal

ગુજરાતી દાળ

સામગ્રી :                   

1. 4 થી 5 નંગ મેથી ના દાણા અને 4 થી 5 ટુકડા સૂરણ ના નાંખી ને બાફેલી તુવેરની દાળ 1 વાડકી, 

2. તેલ 2 ટેબલસ્પૂન,

3. તમાલપત્ર 2 પાન, 

4. લવિંગ 2 નંગ, 

5. તજ 2 ટુકડા, 

6. રાઈ 1 ટીસ્પૂન , 

7. મેથી 8 થી 10 દાણા, 

8. આદું એક ટુકડો, 

9. લાલ સૂકાં મરચાં 2 નંગ, 

10. ખાંડ ½ ટીસ્પૂન ,

11. મેથીનો મસાલો 1 ટીસ્પૂન ,

12. લાલ મરચા 2 નંગ, 

13. હિંગ ¼ ટીસ્પૂન ,

14. મીઠો લીમડો 6 થી 7 નંગ,

15. બાફેલી શીંગ 2 ટેબલસ્પૂન,

16. બાફેલી ખારેક 2 ટેબલસ્પૂન,

17. ધાણાજીરું  2ટેબલસ્પૂન,

18. ગરમ મસાલો ચપટી, 

19. ગોળ 2 ½ ટેબલસ્પૂન,

20. આમલીનો પલ્પ  2 ½ ટેબલસ્પૂન,

21. મીઠું, 

22. પાણી, 

23. કોથમીર, 

24. મેથીનો મસાલો 1 ટીસ્પૂન,

25. હળદર ચપટી,    

26. લાલ મરચું પાવડર 1/2 ટીસ્પૂન,

રીત:  

1. તપેલીમાં  તેલ લઇ 

2. તેમાં તમાલપત્ર, લવિંગ, તજ, રાઈ, 8 થી 10 મેથી ના દાણા, લાલ સૂકાં મરચાં, હિંગ, મીઠા લીમડાના પાન, આદુંમરચાં વાટેલાં, ખાંડ,  લાલ મરચું પાવડર 1 ટીસ્પૂન, મેથીનો મસાલો, (મેથીના મસાલા માટે: 1 ટીસ્પૂન મેથીના મસાલામાં ½ ચમચી પાણી અને ૩ થી 4 ટીપાં તેલ લઇ બધુ મિક્સ  કરવું. 1/2 કલાક પહેલાં પલાળી રાખવું ) નાંખવો. 

3. બધું હલાવો, 

4. થોડું જ પાણી (1 ટેબલસ્પૂન) ઉમેરવું. 

5. હવે એમાં બાફેલી શીંગ, 2 નંગ બાફેલી ખારેક, ઉમેરી હલાવો, હવે હળદર, ધાણાજીરું, ગરમ મસાલો નાંખી થવા દેવું .

6. તેલ ઉપર તરી આવે એટલે બીજું પાણી ઉમેરવું. (દાળ માટે જોઈતું હોય એટલું) 

7. હવે ગેસ ફાસ્ટ કરી ગોળ ઉમેરો, આમલીનો પલ્પ નાંખો.

8. ઉકળવાની શરુઆત થાય પછી

9. એમાં બાફેલી દાળ ઉમેરવી.હલાવીને ઉકળવા દેવું. 

10. છેલ્લે મીઠું અને કોથમીર નાંખી ઉકાળીને સર્વ કરો.