Rajasthani mirchi vada

રાજસ્થાની  મિરચી વડાં

સામગ્રી 

સ્ટફિંગ માટે 

1. 250 ગ્રામ બાફેલાં બટાટા મેશ કરીને 
2. મીઠું
3. 2 ટીસ્પૂન લાલ મરચું પાવડર
4. 2 ટીસ્પૂન આમચૂર પાવડર /ચાટ મસાલો 
5. 2 ટીસ્પૂન ધાણા પાવડર
6. ચપટી હિંગ
7. 2 ટીસ્પૂન વરીયાળીનો ભૂકો (સહેજ શેકી લેવી)
8. 4 લીલાં મરચા ઝીણાં સમારીને 
9. 10 થી 12 નંગ મોટા લાંબા રાજસ્થાની લીલાં મરચાં 

ખીરું બનાવવા માટે 

1. 2 કપ ચણાનો લોટ 
2. મીઠું
3. પાણી 
4. ચપટી સાજીનાં ફૂલ 
5. તળવા માટે તેલ 

રીત :

1.  રાજસ્થાની લીલાં મરચાંને વચ્ચેથી ઉભી ચીરીઓ કરીને તેમાંથી બી કાઢી નાંખો 
2. હવે સ્ટફિંગ માટે એક બાઉલમાં બાફીને મેશ કરેલાં બટાકા લઇ તેમાં મીઠું, મરચું પાવડર, ચાટ મસાલો, ધાણા પાવડર, હિંગ, વરીયાળીનો ભૂકો, ઝીણાં સમારેલાં મરચાં ઉમેરી બધું બરાબર મિક્સ કરી લો.  આ રીતે સ્ટફિંગ તૈયાર થયું. 
3. વચ્ચેથી ઉભા કાપેલા મરચાંમાં આ સ્ટફિંગ સારી રીતે ભરી લો. 
4. ખીરું બનાવવા માટે એક મોટા બાઉલમાં 1 કપ ચણાનો લોટ લઇ તેમાં મીઠું અને ચપટી સાજીના ફૂલ ઉમેરી પાણી વડે ખીરું (બટાટાવડાં જેવું) બનાવો. 
5. હવે ભરેલાં મરચાંને ખીરામાં બોળીને ગરમ તેલમાં મધ્યમ આંચ પર અંદરથી કાચાં ન રહે એ રીતે તળીલો. અને કેચપ અથવા લીલી ચટણી સાથે સર્વ કરો.